На фоне навін аб магчымым наступе Расіі Зяленскі пабываў на перадавой
Прэзідэнт Украіны Уладзімір Зяленскі павіншаваў Узброеныя сілы Украіны з 30-годдзем і адправіўся з рабочай паездкай у Харкаўскую і Данецкую вобласці.
Украінскі прэзідэнт возьме ўдзел ва ўрачыстых мерапрыемствах з нагоды 30-годдзя Узброеных сіл Украіны і ўручыць дзяржаўныя ўзнагароды вайскоўцам.
Паведамляецца, што Зяленскі азнаёміўся з аператыўнай сітуацыяй і агледзеў камандны пункт адной з брыгад УСУ.
Паездка Зяленскага адбылася на фоне трывожных навін заходняй прэсы, якая паведамляе са спасылкай на заходнія разведкі, што канцэнтрацыя расійскіх войскаў на мяжы з Украінай можа сведчыць аб магчымым пачатку поўнамаштабнай вайны паміж Расіяй і Украінай.