«Негатыўна характарызавала грамадска-палітычную сітуацыю». У Беларусі заблакавалі яшчэ адно медыя
Пракурор Брэсцкай вобласці вынес пастанову аб абмежаванні доступу да інтэрнэт-рэсурсу b-g.bу («Брэсцкая газета»).
«Асобныя артыкулы суправаджаліся радыкальнымі паведамленнямі, якія распальваюць варожасць і варажнечу па палітычных і ідэалагічных матывах. Публікавалася і іншая інфармацыя, якая відавочна негатыўна характарызавала грамадска-палітычную сітуацыю ў краіне пасля завяршэння выбарчай кампаніі і дыскрэдытавала дзейнасць дзяржаўных і праваахоўных органаў», — сказалі ў пракуратуры.