Яшчэ адзін палітвязень уцёк з «хіміі» за мяжу
Як паведамляюць праваабаронцы, з Беларусі ў Літву ўцёк палітвязень Аляксей Ліпень.
Мінчуку прысудзілі 5 гадоў «хіміі» за каментары пад фота супрацоўнікаў міліцыі. Яго прызналі вінаватым паводле арт. 369 Крымінальнага кодэкса (Абраза прадстаўніка ўлады) і 364 КК (Пагроза прымянення гвалту ў дачыненні да супрацоўніка міліцыі).
Свой тэрмін палітвязень адбываў у Папраўчай установе адкрытага тыпу №24 у Гродне, адкуль уцёк.
«Аляксей паспяхова перайшоў мяжу. Цяпер ён у бяспечным месцы на памежнай заставе ў Літве. На наступным тыдні яго выпусцяць у Вільню», — цытуе знаёмых Аляксея «Польскае радыё».