Вярхоўны суд пакінуў у сіле прысуд Калеснікавай і Знаку
Прысуд першай інстанцыі пакінуты без змен, а скарга — без задавальнення. Раней Марыю Калеснікаву прысудзілі да 11 гадоў пазбаўлення волі, Максіма Знака — да 10.
Getty Images
Прысуд набывае моц неадкладна. Асуджаныя адправяцца ў калоніі.
Юрыст штаба Віктара Бабарыкі Максім Знак і прадстаўніца штаба Марыя Калеснікава былі затрыманыя ў верасні 2020 года.
6 верасня 2021 года Мінскі абласны суд прысудзіў Калеснікаву і Знака да 11 гадоў калоніі агульнага рэжыму і 10 гадоў калоніі строгага рэжыму адпаведна.
Іх прызналі вінаватымі ў здзяйсненні злачынстваў, прадугледжаных ч. 1 арт. (змова з мэтай захопу ўлады), ч. 3 арт. 361 (заклікі да дзеянняў, накіраваныя на прычыненне шкоды нацыянальнай бяспецы), ч. 1 арт. 361-1 (стварэнне экстрэмісцкага фармавання) Крымінальнага кодэкса Беларусі.
Віктар Бабарыка ў ліпені 2021 года быў асуджаны на 14 гадоў зняволення.