Мінчук скраў раней скрадзеныя пяць тысяч даляраў
У міліцыю з заявай аб крадзяжы каля 5000 даляраў ЗША звярнуўся 42-гадовы мінчук. Аказалася, што не так усё проста.
Як растлумачыў пацярпелы, ён прадаў кватэру ў Мінску і часова засяліўся ў адну з гасцініц сталіцы, куды запрасіў сваю 28-гадовую прыяцельку ў госці. Калі мужчына заснуў, госця дастала з кішэні яго штаноў даляры і пакінула гасцініцу.
З грашыма дзяўчына адправілася да двух прыяцеляў, якім падчас сумеснага баўлення вольнага часу распавяла аб буйной суме наяўных, якія мае. Пасля таго, як дама заснула ў гасцях, 34-гадовы раней судзімы за маёмасныя злачынствы знаёмы выкраў грошы, якія знаходзіліся ў дзяўчыны, і схаваў іх у гаражы.
Супрацоўнікі крымінальнага вышуку Цэнтральнага РУУС сталіцы ўстанавілі і затрымалі ўсіх фігурантаў, а таксама выявілі і канфіскавалі выкрадзеныя грошы.