За дзень больш за 300 чалавек звярнуліся ў бальніцы з траўмамі ад галалёду
За ўчора да беларускіх медыкаў з галалёднымі і холадавымі траўмамі звярнулася 335 чалавек. З іх 30 былі шпіталізаваныя, паведамляе Мінздароўя.
Больш за ўсё такіх пацыентаў было ў Віцебскай вобласці. Там 119 чалавек пацярпелі ад галалёду.
На Брэстчыне галалёдныя траўмы ў нядзелю атрымалі 24 чалавекі, столькі ж на Гомельшчыне. На Гродзеншчыне з такімі траўмамі ў бальніцы звярнулася 47 жыхароў, на Магілёўшчыне — 29. Найменш выпадкаў было ў сталіцы і Мінскай вобласці — 18 і 4 адпаведна.