Ліст чытача: «17 арыштаў за дзень. Значыць, працягваецца Супраціў»
Праваабаронцы-вясноўцы падсумавалі статыстыку. За 2021 год за палітыку было затрымана 6443 чалавекі. 17 арыштаў у дзень!
А гэта ж толькі вядомыя, улічаныя выпадкі. Добра, калі ўдаецца сабраць звесткі пра палову арыштаў.
Часам чуеш у транспарце ад людзей, што «вунь колькі палітвязняў, а ўсе астатнія сядзяць і нічога не робяць, і баяцца». А пра чарговы арышт чуеш ад калег па працы: «Жах які, чарговая ахвяра». Або проста стомлена: «Арыштавалі яшчэ аднаго».
Але ж працяг арыштаў — гэта не ахвяра «моцнаму» рэжыму, а найперш сведчанне таго, што «супраціў працягваецца».
Што гэта значыць? Значыць, працягваецца Супраціў!
Не ахвяры, а героі!
Прашу, нагадвайце пра гэта ў СМІ і вялікіх каналах.
І дзякуй вам за вашу працу!
Ад рэдакцыі. Шаноўныя чытачы, дасылайце свае меркаванні, назіранні, навіны, тэмы, што вас хвалююць, у рэдакцыю «Нашай Нівы»:
е-mail: nivanasha@gmail.com
тэлеграм-бот: t.me/nasa_niva_bot