На Ашмяншчыне адбылася аварыя, загінуў чалавек
Аварыя адбылася сёння каля 12.40 на 32 кіламетры аўтадарогі «Гоза-Астравец-Ашмяны». 26-гадовая дзяўчына на «Ладзе» не справілася з кіраваннем і заехала ў дарожную агароджу, паведамляе Следчы камітэт.
Фота з месца здарэння.
Падчас ДТЗ у аўто было тры пасажыры. Адзін з іх, 31-гадовы жыхар Міншчыны, атрымаў цяжкія пашкоджанні, ад якіх памёр у бальніцы. Двум пасажырам аказалі медыцынскую дапамогу, але шпіталізаваць іх не сталі.
Узбуджаная крымінальная справа ў дачыненні кіроўцы па частцы 2 артыкула 317 (парушэнне правілаў дарожнага руху, якое пацягнула смерць чалавека).