Эскалацыя расце. Два дывізіёны ракетных комплексаў С-400 адправіліся ў Беларусь, Javelin і Stinger паступяць ва Украіну
Два дывізіёны зенітных ракетных комплексаў С-400 «Трыумф» пачалі перадыслакацыю ў Беларусь, дзе заступяць на навучальнае баявое дзяжурства ў рамках праверкі сіл рэагавання Саюзнай дзяржавы.
Фота: arm-expo.ru
Пра гэта паведамілі журналістам у Мінабароны Расіі, піша ТАСС.
«Два дывізіёны зенітных ракетных комплексаў С-400 «Трыумф» аб'яднання Ваенна-паветраных сіл і Супрацьпаветранай абароны Усходняй вайсковай акругі, задзейнічаныя ў праверцы сіл рэагавання Саюзнай дзяржавы, здзейснілі марш на станцыю пагрузкі ў Хабараўскім краі. Падраздзяленні СПА зробяць марш камбінаваным спосабам на чыгуначным транспарце і сваім ходам на незнаёмыя палігоны Рэспублікі Беларусь», — сказалі ў вайсковым ведамстве.
Паводле інфармацыі міністэрства, пасля прыбыцця да месцаў выканання навучальных задач расійскія вайскоўцы абсталююць пазіцыі і «заступяць на навучальнае баявое дзяжурства па СПА ў складзе адзінай рэгіянальнай сістэмы СПА Беларусі і Расіі».
Стала таксама вядома, што ЗША дазволілі краінам Балтыі паставіць ва Украіну супрацьтанкавыя комплексы Javelin і зенітныя ракеты Stinger.