На пажары ў Пінскім раёне згарэў чалавек
Пажар адбыўся 22 студзеня ў вёсцы Бобрык Пінскага раёна, у агні загінуў мужчына 1958 года нараджэння, паведамляе Брэсцкае абласное ўпраўленне МНС.
Паведамленне аб пажары ў вёсцы Бобрык Пінскага раёна ратавальнікі атрымалі 22 студзеня ў 18.19.
Пажар быў у драўляным гаспадарчым будынку, у яго выніку агнём знішчаны дах, перакрыццё і маёмасць, пашкоджаныя сцены. У агні загінуў 63-гадовы мужчына.
Прычына пажару высвятляецца.