Пентагон заявіў, што гатовы перакінуць у Еўропу 8,5 тысяч вайскоўцаў
ЗША гатовыя перакінуць у Еўропу 8,5 тыс. вайскоўцаў, але пакуль канчатковае рашэнне не прынятае.
Джон Кірбі. Фота: Alex Wong / Getty Images
Пентагон павысіў гатоўнасць войскаў праз сітуацыю вакол Украіны, заявіў афіцыйны прадстаўнік Мінабароны ЗША Джон Кірбі.
«Частку войскаў у ЗША прывялі ў стан павышанай гатоўнасці», — сказаў Кірбі.
Гаворка ідзе пра 8,5 тысяч вайскоўцаў, якіх ЗША гатовыя перакінуць у Еўропу. Але пакуль што пастановы аб іх разгортванні не было, дадаў прадстаўнік Пентагона.