Мінздароўя паведаміла пра рэкордныя 3634 выпадкі кавіду. Гэта +1247 да папярэдняга рэкорду
Мінздароўя паведаміла, што за мінулыя суткі зафіксаваныя 3634 выпадкі заражэння каранавірусам. Папярэдні рэкорд быў у нядзелю — 2 387.
На мінулым тыдні штодня фіксаваліся рэкорды. У пятніцу Мінздароўя паведаміла пра 2221 выпадак, у суботу — 2302, у нядзелю — 2387. У панядзелак і аўторак было менш за 2000 выпадкаў: 1965 і 1918 адпаведна.
Перад гэтым абсалютны рэкорд быў у кастрычніку: 2097 выпадкаў.
За мінулыя суткі выпісаныя 3 296 пацыентаў.
Усяго з пачатку пандэміі ў Беларусі былі зарэгістраваныя 748 505 чалавек са станоўчым тэстам на COVID-19. Выздаравеў 738 181.
За мінулыя суткі памерлі 17 чалавек (за ўвесь час 6 084), выканана 41 658 тестаў, паведамляе Мінздароўя.