Трагедыя ў пункце пропуску «Казловічы»: мытніцу пераехала фура
Фура, як бачна, на еўрапейскіх нумарах.
«Збірала дакументы, а кіроўца не заўважыў і паехаў пад навес», — сказалі «Нашай Ніве» відавочцы.
На месца здарэння выехала следчая група.
Дзяржаўны мытны камітэт выдаў афіцыйную інфармацыю адносна трагедыі:
«Сёння з 12.00 да 13.00 на беларуска-польскай мяжы ў пункце пропуску «Казловічы» адбыўся трагічны выпадак. Кіроўца грузавога транспартнага сродка здзейсніў наезд на супрацоўніцу мытных органаў пры выкананні ёю службовых абавязкаў.
Калектыў мытных органаў глыбока смуткуе ў сувязі са страшнай трагедыяй і выказвае самыя глыбокія спачуванні, словы спачування і падтрымкі родным і блізкім. Сям'і загінулай будзе аказана неабходная дапамога».
Вядома, што ў супрацоўніцы засталося 5-гадовае дзіця.