На «экс-Кемпінскі», што ля цырка, уключылі медыяфасад ВІДЭА
Відэа было знята ўчора вечарам. Паводле інфармацыі Onlíner, будынак пачне засяляцца, меркавана, у сярэдзіне наступнага тыдня. Спачатку будзе занята толькі некалькі паверхаў, астатнія яшчэ ў працэсе рамонту.
Указ пра будаўніцтва комплексу ля цырка падпісалі яшчэ ў 2010 годзе. Да чэмпіянату свету па хакеі — 2014 (і нават раней, да канца 2013 года) у цэнтры Мінска павінна была з'явіцца пяцізоркавая гасцініца вядомай сеткі Kempinski. Не атрымалася.
«Экс-Кемпінскі» дабудоўваюць для штаб-кватэры «Сбер Банка «(былы «БПС-Сбербанк»). Старшыня праўлення банка Ігар Меркулаў паведаміў, што офісы пачнуць працаваць тут у сакавіку 2022-га, а ўвесь комплекс здадуць да снежня.