Каля Мікашэвічаў легкавік раздушыла вайсковым грузавіком ВІДЭА
Onliner.by піша, што каля Мікашэвічаў на трасе М10 (мяжа Расіі — Гомель — Кобрын) легкавы аўтамабіль Audi заціснула паміж двума вайсковымі грузавікамі. На месцы знаходзіцца ВАІ (Ваенная аўтамабільная інспекцыя).
Пашкоджанні Audi вельмі значныя: задняя частка раздушаная.
«Траса М10, ля моста праз Случ, за два-тры кіламетры ад Мікашэвічаў, у кірунку Жыткавічаў, — распавёў Onlíner аўтар відэа. — Хуткай не відаць, нібы ўсе жывыя, стаялі за левым адбойнікам. Цывільныя: чалавекі два ці тры. Супрацоўнік ВАІ нешта ім казаў. Напэўна, суправаджалі гэтую калону, далей на узбочыне стаяла тэхніка».