Затрымалі выкладчыцу журфака БДУ Ганну Курэйчык
Яе прозвішча з'явілася ў спісах затрыманых, якія вядуць валанцёры, яшчэ 18 лютага. Таксама гэтую інфармацыю «Нашай Ніве» пацвердзіў і калега Курэйчык.
«Яна была на бальнічным, прыйшлі па яе дадому», — расказаў ён.
Па якім артыкуле затрымалі выкладчыцу, невядома.
Ганна Курэйчык з'яўляецца дацэнтам кафедры тэлебачання і радыёвяшчання.
Па інфармацыі валанцёраў за пятніцу і суботу затрымалі 7 чалавек.