Кіраўнік памежнай службы Украіны — Беларусі: «Будьте вы прокляты, твари!»
Кіраўнік Дзяржаўнай памежнай службы Украіны Сяргей Дэйнека напісаў свайму калегу з Беларусі афіцыйны ліст, у якім падкрэсліў, што Беларусь вядзе вайну супраць Украіны разам з Расеяй.
Жыхар Марыупаля аднаўляе агароджу пасля наступу расійскіх войскаў. Фота: Сяргей Грыц, AP
Прыводзім яго зварот цалкам:
«Насуперак добрасуседскім стасункам 24-26 лютага пры поўным садзейнічанні Рэспублікі Беларусь здзейснена адкрытая ваенная агрэсія Расійскай Федэрацыі супраць Украіны з выкарыстаннем баявой авіяцыі, балістычных ракет, артылерыі, танкаў, бронетранспарцёраў, наземных войск і іншых сілаў і сродкаў з тэрыторыі Беларусі.
Расійскія падраздзяленні на ўкраінска-беларускім участку мяжы пры садзейнічанні Рэспублікі Беларусь наносяць ракетна-бомбавыя ўдары, знішчаючы грамадзянскія аб'екты Украіны, забіваючы мірнае насельніцтва, пасягаючы на дзяржаўны суверэнітэт і тэрытарыяльную цэласнасць Украіны з мэтай устанаўлення акупацыйнага кантролю.
«Рэспубліка Беларусь сумесна з Расійскай Федэрацыяй вядзе вайну супраць Украіны, грэбуючы нормамі міжнароднага права, элементарнымі нормамі чалавечай маралі і каштоўнасці жыцця.
МЫ ПЕРАМОЖАМ!
БУДЗЬЦЕ ПРАКЛЯТЫЯ, ПАЧВАРЫ!
З ПАГАРДАЙ!», — гаворыцца ў лісце Дайнекі.