Жанчыну, якая ўчора выйшла з унучкай на антываенную акцыю, аштрафавалі на 3040 рублёў
Жанна Трафімец 1 сакавіка выйшла на Кастрычніцкую плошчу ў Мінску з адзіночным пікетам супраць нападу Расіі на Украіну.
У руках яна трымала плакат «Остановите войну» і жоўты ды блакітны шарыкі. Сілавікі затрымалі яе разам з унучкай. У Цэнтральным РУУС на жанчыну склалі пратакол па арт. 24.23 КаАП за несанкцыянаванае пікетаванне і выпусцілі да суда з позвай.
Сёння суддзя Цэнтральнага раёна Таццяна Акавітая аштрафавала жанчыну на 3 040 рублёў (95 базавых велічынь), піша @viasna96.
Акрамя гэтага, разам з Жаннай затрымалі і студэнта пятага курса БНТУ, які проста фатаграфаваў яе. Вядома толькі, што хлопец з Лагойска.