Фінскі піўны холдынг Olvi сыходзіць з беларускага рынку. Яго даччыная кампанія — «Лідскае піва»
Фінскі холдынг Olvi PLC сыходзіць з беларускага рынку і спыняе экспарт у Расію і Беларусь.
Даччыная кампанія холдынга ў Беларусі — «Лідскае піва», найбуйнейшы працадаўца ў Лідзе, там працуе 840 чалавек.
У паведамленні кампаніі гаворыцца, што холдынг плануе пачаць вывад сродкаў з Беларусі, зарплаты персаналу ў Лідзе пакуль будуць выплачвацца.
«Лідскае піва» таксама разлівала ў Беларусі напітак «Пепсі».