Германія будзе купляць газ у Катары
Германія і Катар узгаднілі доўгатэрміновае партнёрства ў сферы энергетыкі. Пра гэта паведаміў міністр эканомікі Германіі Роберт Хабек падчас візіту ў Доху, піша Deutsche Welle.
Перамовы паміж міністрам эканомікі Германіі і эмірам Катара.
Як адзначыў Хабек, узгодненае партнёрства з Катарам прадугледжвае не толькі пастаўкі звадкаванага газу ў Германію, але і распрацоўку аднаўляльных энерганосьбітаў, а таксама меры па ўзмацненні энергаэфектыўнасці.
Са слоў Хабека, гэта крок на шляху да здабыцця большай незалежнасці ад Расіі на фоне ўварвання ва Украіну.