Украінскія спецслужбы за месяц ліквідавалі пяць «ботафермаў» на 100 тысяч фэйкавых акаўнтаў
СБУ з пачатку вайны ліквідавала пяць «ботафермаў» магутнасцю каля 100 тысяч фэйкавых акаўнтаў. Пра гэта паведаміў прэс-сакратар Службы бяспекі Украіны Арцём Дехтяренко.
Паведамляецца, што «ботафермы» дзейнічалі на тэрыторыі Харкава, Цярнопаля, Чаркасаў, Палтавы і Закарпацця. Падчас ператрусаў, праведзеных СБУ, было канфіскавана каля 100 камплектаў GSM-шлюзаў, амаль 10 тысяч сім-картаў розных мабільных аператараў, ноўтбукі і камп'ютары.
Фэйкавыя акаўнты ствараліся ў розных сацыяльных сетках, у тым ліку і заблакаваных на тэрыторыі Украіны. З іх дапамогай распаўсюджвалася недакладная інфармацыя і публікаваліся каментары, якія апраўдваюць ўварванне Расіі ва Украіну.
СБУ завяло ў сувязі з гэтым крымінальную справу па артыкуле 110 Крымінальнага кодэкса Украіны («Замах на тэрытарыяльную цэласнасць Украіны»).