12 чалавек загінулі і 33 параненыя ў выніку ўдару па Мікалаеўскай абласной адміністрацыі
Пра ахвяры паведаміла Дзяржаўная служба Украіны па надзвычайных сітуацыях. Фота разбуранага дзевяціпавярховага будынка Мікалаеўскай абласной дзяржаўнай адміністрацыі, у якім абрынулася яго цэнтральная частка з дзявятага па першы паверх, сёння зранку абляцела ўсе інфармагенцтвы свету.
«З-пад завалаў выратаваныя 18 чалавек, якія перададзены брыгадам хуткай дапамогі. Вядуцца пошукава-выратавальныя работы», — цытуе ратавальнікаў украінская служба Радыё Свабода.