МЗС Украіны не каментуе пажар у Белгарадзе
Кіраўнік МЗС Украіны Дзмітрый Кулеба заявіў Reuters, што не можа ні пацвердзіць, ні абвергнуць інфармацыю аб датычнасці Украіны да пажару на нафтабазе ў Белгарадзе.
Сёння раніцай ў расійскім Белгарадзе адбыўся моцны выбух на нафтабазе. Там гарэлі восем рэзервуараў з нафтапрадуктамі.
Губернатар вобласці Вячаслаў Гладкоў заявіў, што па нафтабазе нанеслі ўдар два ўкраінскія верталёты, якія заляцелі на тэрыторыю Расіі на малой вышыні.
Украіна пакуль не каментуе інцыдэнт.