Частка расійскай авіяцыі перамясцілася з Беларусі на аэрадром Бранскай вобласці
Цяпер у Сешчы базуюцца вайсковыя верталёты, зьнішчальнікі, самалёты Ан-124 і Іл-76.
Пра гэта сьведчыць спадарожнікавы здымак за 6 красавіка, даступны праекту ўкраінскай службы Радыё Свабода «Схемы».
У аэрапорце можна ўбачыць, у прыватнасьці, 19 знішчальнікаў, не менш за 20 верталётаў.
А таксама вайскова-транспартныя самалёты Ан-124 і Іл-76, якія там пастаянна базуюцца.
Раней тэлеграм-канал «Беларускі гаюн» паведамляў, што ад 3 красавіка з аэрапорту Мачулішчы пад Мінскам у бок Сешчы вылецелі некаторыя расейскія верталёты Мі-8, Мі-26 і Ка-52.
Гэтыя верталёты сапраўды можна было ўбачыць на спадарожнікавым здымку аэрапорту Мачулішчы 28 сакавіка.