Пажар на нафтабазе «Транснафты» ў Бранску патушаны. Яна гарэла больш за суткі
Як паведаміў губернатар вобласці Аляксандр Багамаз, пажар патушаны ў 7.20 раніцы па мясцовым часе.
Ратавальныя службы працягваюць працаваць на месцы, ніхто з людзей не пацярпеў.
Нафтабаза і рэзервуар з дызельным палівам, які знаходзіцца асобна, загарэліся адзін за адным у ноч з 24 на 25 красавіка, афіцыйная прычына не паведамлялася. Неафіцыйная — базу атакаваў украінскі беспілотнік.