Маскоўскі патрыярх Кірыл упэўнены, што «Расія ніколі ні на кога не нападала»
Сцвярджэнне пра нібыта спрадвечнае міралюбства Расіі ад Кірыла прагучала падчас пропаведзі ў Архангельскім саборы Крамля на Радаўніцу.
Патрыярх падчас пропаведзі прамовіў:
«Мы ні з кім не хочам ваяваць, Расія ніколі ні на кога не нападала. Гэта дзіўна, калі вялікая і магутная краіна ні на каго не нападала, яна толькі абараняла свае межы».
Гэта ўжо не першы выпадак, калі Кірыл насуперак відавочным фактам, упарта выстаўляе і бароніць тэзіс пра нібыта спрадвечнае міралюбства Расіі і «справядлівы» характар цяперашняй вайны ва Украіне.