Расійскага вайскоўца, асуджанага да пажыццёвага зняволення, могуць абмяняць на ўкраінскіх палонных
Генпрокурор Украіны Ірына Венядзіктава дапусціла магчымасць абмену расійскага вайскоўца Вадзіма Шышымарына, асуджанага да пажыццёвага зняволення за забойства мірнага жыхара на Сумшчыне, на ўкраінскіх палонных.
Вадзім Шышымарын
«У нас сцэнары развіцця падзей могуць быць зусім рознымі. Можна абмяняць чалавека пасля прысудаў судоў. Так, тэхнічна гэта магчыма», — заявіла Венядзіктава.
Па яе словах, украінскія ўлады ў дадзеным пытанні будуць прытрымлівацца выключна прававога поля ў адпаведнасці са стандартамі міжнароднага гуманітарнага права.
Сяржанта Шышымарына асудзілі паводле абвінавачванняў у забойстве мірнага жыхара. Сваю віну вайсковец прызнаў, заявіўшы, што выконваў загад і раскайваецца ў зробленым.