CNN: ЗША маюць намер паставіць Украіне сістэмы залпавага агню, пра якія ўжо шмат тыдняў просіць Кіеў
Па звестках тэлеканала, ужо на наступным тыдні ЗША аб'явяць пра новы пакет вайсковай дапамогі, у які ўвойдуць і РСЗА.
Улады Украіны прасілі аб пастаўках такога ўзбраення ўжо шмат тыдняў, аднак раней Вашынгтон адмаўляў у выкананні гэтай просьбы з-за боязі, што Украіна можа выкарыстоўваць яго для абстрэлаў тэрыторыі Расіі, што можа прывесці да эскалацыі канфлікту.
Па словах крыніц CNN, адным з варыянтаў можа быць прадастаўленне Украіне ракетных сістэм меншай далёкасці.
Навучанне ўкраінскіх вайскоўцаў зойме, як мяркуецца, каля двух тыдняў.