У спіс палітвязняў дадалі яшчэ 15 чалавек
Сёння праваабаронцы прызналі палітвязнямі яшчэ 15 чалавек, піша «Вясна».
Да спісу дадаліся: Максім Лебедзеў, Алег Аўдзеенка, Аляксандр Касценка, Дзяніс Коршун, Алена Жарына, Руслан Міхайлаў, Дзмітрый Шкалёнак, Сяргей Клютчэня, Андрэй Клютчэня, Іван Ібрагімаў, Уладзімір Дзёмчанка, Мікіта Скотнікаў, Вячаслаў Арэстаў, Алеся Курэйчык, Аляксандр Плюцінскі.
Усе яны асуджаныя або ўзятыя пад варту за ўдзел у вулічных акцыях — па ч. 1 артыкула 342 Крымінальнага кодэкса («Групавыя дзеянні, якія груба парушаюць грамадскі парадак»).
На сёння статус палітвязняў у Беларусі маюць 1217 чалавек.