Шольц і Макрон абмеркавалі з Пуціным лёс палонных з «Азова» і вываз збожжа з Украіны
Прэзідэнт Францыі Эмануэль Макрон і канцлер Нямеччыны Олаф Шольц 28 мая патэлефанавалі кіраўніку Расіі Уладзіміру Пуціну. Размова працягвалася больш як гадзіну.
У Елісейскім палацы адзначылі, што размова адбывалася з ініцыятывы Макрона і Шольца.
Еўрапейскія лідэры запатрабавалі:
- Каб Пуцін пачаў прамы перамовы з Зяленскім.
- Вызвалення каля 2500 абаронцаў «Азоўсталі», якія сталі ваеннапалоннымі.
- Спыніць блакаду адэскага порту, для экспарту ўкраінскага збожжа.
- Вярнуцца да перамоў аб прыпыненні вайны з павагай да суверэнітэту і тэрытарыяльнай цэласнасці Украіны.