Смаленскія мытнікі знайшлі беларускія цыгарэты ў металаломе
Смаленскія мытнікі выявілі беларускія цыгарэты ў грузавым аўтамабілі, які спынілі для праверкі ў вёсцы Красная Горка Краснінскага раёна. Па дакументах аўтамабіль вёз металічныя пласціны і лом каляровых металаў з Мінска ў горад Веліж, паведамляе Цэнтральнае мытнае ўпраўленне ФМС РФ.
Фота: ctu.customs.gov.ru
Пры аглядзе мытнікі знайшлі ў грузавым адсеку больш за 250 тысяч пачкаў цыгарэт беларускай вытворчасці без акцызных марак. Кошт цыгарэт складае каля 15 млн расійскіх рублёў.
Фота: ctu.customs.gov.ru