Беларусь з-за воспы малпаў забараніла ўвоз і транзіт прыматаў
Дэпартамент ветэрынарнага і харчовага нагляду Мінсельгасхарча з 6 чэрвеня ўвёў абмежаванні ў сувязі з распаўсюджваннем воспы малпаў у свеце, піша reform.by.
У адпаведнасці з рашэннем Дэпартамента, забаронены ўвоз і транзіт па тэрыторыі краіны:
- любых грызуноў (жывых і мёртвых, на корм жывёлам);
- любых прыматаў.
Выключэнне зробленае толькі для лабараторных грызуноў і прыматаў, а таксама для выпадкаў вяртання ў краіну раней вывезеных гадаванцаў.