Борыс Джонсан атрымаў вотум даверу ад аднапартыйцаў
Неабходнасць галасавання была выкліканая тым, што ў панядзелак былі сабраныя неабходныя 54 подпісы членаў Кансерватыўнай партыі для яго правядзення. Прэм'ер-міністру Вялікабрытаніі Борысу Джонсану было дастаткова атрымаць падтрымку паловы паплечнікаў па фракцыі плюс 1 голас — гэта 180 дэпутатаў.
Увогуле ж праблемы ў Джонсана ўзніклі з-за так званага скандалу Partygate. Членаў ягонага ўрада і супрацоўнікаў абвінавацілі ў арганізацыі вечарынак з алкаголем падчас пандэміі COVID-19, калі такія сходы былі забароненыя па ўсёй краіне.