Украінцы сабралі грошы на чатыры «Байрактары» за тры дні. Хоць збіраліся на тры за тыдзень
Маштабны збор на куплю трох турэцкіх беспілотнікаў «Байрактар» для патрэб УСУ быў аб'яўлены папулярным украінскім вядоўцам Сяргеем Прытулам 22 чэрвеня. Планавалі сабраць 13 мільёнаў даляраў за тыдзень, а сабралі 600 млн грывень (каля 20 мільёнаў даляраў) за тры дні. Гэтага хопіць на чатыры «Байрактары».
Як паведаміў Сяргей Прытула, праект «Народны Байрактар» — гэта сапраўды быў «праект, які аб'яднаў усіх незалежна ад узросту, полу ці веравызнання».
«Люблю вас усіх і ганаруся, што дыхаю з вамі адным паветрам! Наша каманда пайшла рыхтаваць вам яшчэ больш салідную гісторыю», — напісаў Прытула.