У Гомелі затрыманы фатограф Сяргей Лысенка
Ён знаходзіўся ў парку, дзе павінна было адбыцца свята для ўкраінскіх дзяцей.
Праўладныя СМІ паведамляюць, што Сяргею прысудзілі 15 сутак, аднак невядома, па якім артыкуле, паведамляе «Вясна».
У 2021-м да яго з вобшукам прыходзілі сілавікі — забралі смартфон і ноўтбук. Вядома, што ў 2020-м мужчына здымаў акцыі пратэсту ў Гомелі.
Нагадаем, раней на 7 сутак за краты патрапіла арганізатарка свята для украінскіх дзяцей Ала Караленка.