Амерыканскі чыноўнік прапанаваў дазволіць Украіне наносіць удары па вайсковых аб'ектах у «акупаванай Беларусі»
Дазволіць Украіне наносіць удары па вайсковых аб'ектах на тэрыторыі «акупаванай Беларусі» прапанаваў 10 ліпеня ў сябе ў Твітары старшы дарадца ўрадавай камісіі ЗША па бяспецы і супрацоўніцтве ў Еўропе Пол Масара.
«Украіне павінна быць дазволена наносіць удары па вайсковых аб'ектах у акупаванай Беларусі, акупаваным Крыме і ў Расіі», — напісаў Пол Масара.
Пол Масара — старшы дарадца па супрацьдзеянні карупцыі і санкцыях ва ўрадавай камісіі ЗША па бяспецы і супрацоўніцтве ў Еўропе.