У Жабінкаўскім раёне экс-чыноўніка падазраюць у незаконным прадпрымальніцтве
Былы начальнік упраўлення па сельскай гаспадарцы і харчаванні Жабінкаўскага райвыканкама нанёс істотную шкоду дзяржаўным інтарэсам, дыскрэдытуючы і падрываючы аўтарытэт і прэстыж органаў улады, паведамляе тэлеграм-канал МУС.
Фота ілюстрацыйнае
Супрацоўнікі УБЭЗ абласной міліцыі ўстанавілі, што два гады таму 35-гадовы мужчына, займаючы адказнае становішча ў органах выканаўчай улады, арганізаваў фермерскую гаспадарку і кіраваў ёю. Больш за тое, ён загадваў сельгасарганізацыям даваць розную тэхніку і людзей для правядзення работ у гэтай гаспадарцы, відавочна выходзячы за межы сваіх правоў і паўнамоцтваў.
Цяпер у адносінах да былога чыноўніка распачатыя крымінальныя справы за перавышэнне службовых паўнамоцтваў і незаконны ўдзел у прадпрымальніцкай дзейнасці.