У Брэсцкай вобласці «штадлер» урэзаўся ў аўтамабіль і працягнуў яго два кіламетры
Цягнік міжрэгіянальных ліній бізнэс-класа Брэст — Мінск раніцай 5 жніўня на чыгуначным пераездзе ўрэзаўся ў аўтамабіль, паведамляе Zerkalo.io.
Цягнік адпраўляўся ў 6:22 з Брэста да Мінска. На тэрыторыі Івацэвіцкага раёна электравоз урэзаўся на чыгуначным пераездзе ў легкавы аўтамабіль.
«Мы праехалі яшчэ два кіламетры пасля сутыкнення і працягнулі машыну перад сабой», — распавёў сведка.
Загінуў кіроўца аўтамабіля. Пасажыры «Штадлера» не пацярпелі.