«Хартыю'97» прызналі экстрэмісцкім фармаваннем
Блізкі да сілавікоў тэлеграм-канал паведаміў аб прызнанні «групы грамадзян, аб'яднаных з дапамогай медыя-рэсурсаў «Хартыя 97» экстрэмісцкім фармаваннем».
Падставай для гэтага стала нібыта арганізацыя і каардынацыя выданнем «Хартыя'97» масавых беспарадкаў.
Экстрэмісцкімі фарміраваннямі ў Беларусі прызнаныя ўжо больш за 80 аб'яднанняў, фондаў, тэлеграм-каналаў і медыя, у тым ліку «Наша Ніва», «Белсат», БелаПАН, «Радыё Свабода», аб'яднанне былых сілавікоў BYPOL, фонд BYSOL ды іншыя.