У Харкаве аднавіліся водазабеспячэнне і праца электратранспарту
Пра гэта паведаміў кіраўнік горада Ігар Церахаў. Ён падзякаваў усім, хто ў вельмі складаную для Харкава ноч зрабіў усё магчымае для нармалізацыі жыцця: тушыў пажары, аднаўляў электра— і водазабеспячэнне.
Па яго словах, цяпер ідзе напаўненне сістэмы вадой, а метро і наземны электратранспарт працуюць у штатным рэжыме.
Таксама Церахаў напісаў пра абстрэл дома ў Новабаварскім раёне. Адзін чалавек загінуў і два пацярпелі.
Учора Расія нанесла ўдар па Харкаўскай ЦЭЦ, у выніку чаго часткова былі абясточаныя некалькі абласцей. Украінскі бок назваў абстрэл крытычнай інфраструктуры горада тэрактам.