У Пентагоне пракаментавалі разгортванне рэгіянальнай групоўкі войскаў у Беларусі
Міністэрства абароны ЗША сочыць за сітуацыяй у Беларусі, але на гэты момант не чакае ад разгортвання рэгіянальнай групоўкі войскаў Беларусі і Расіі прынцыповых зменаў у ход вайны ва Украіне.
«На гэты момант у нас няма ніякіх прыкмет, якія прымусілі б нас змяніць нашы расклады на поле бою ў параўнанні з тым, што ёсць цяпер», — сказаў прадстаўнік Пентагона.
Нагадаем, што згодна з заявамі Мінабароны Беларусі, у краіну прыбудуць каля 9 тысяч расійскіх вайскоўцаў, а таксама самалёты, танкі і іншае цяжкае ўзбраенне. У Беларусі ідзе схаваная мабілізацыя.