Цягнікі Гомельскага напрамку ідуць з затрымкай да дзвюх гадзін з-за абрыву кантактнага провада
Тэлеграм-канал беларускіх вольных чыгуначнікаў паведаміў, што на чыгуначнай станцыі Хальч у Жлобінскім раёне пры правядзенні работ адбылося надзвычайнае здарэнне з абрывам кантактнага провада.
Фота ілюстрацыйнае
Праз гэта са спазненнем ідуць цягнікі наступных кірункаў:
- №55 Гомель-Масква,
- №715 Гомель-Мінск,
- №748, 752 Мінск-Гомель,
- №750 Магілёў-Гомель,
- №6460 Жлобін-Гомель,
- №6461 Гомель-Жлобін.
Паведамляецца, што затрымка складае ад 10 хвілін да 2 гадзін і больш.