У Магілёве ратавальнікі дасталі з ліўневага калектара каня
Здарэнне адбылося вечарам 20 кастрычніка.
Па дапамогу да ратавальнікаў увечары 20 кастрычніка звярнуліся неабыякавыя магіляўчане, якія ўбачылі, што на вуліцы Гагарына абласнога цэнтра конь зваліўся ў ліўневы калектар глыбінёй 2,5 м і не можа самастойна выбрацца, піша «Звязда».
Драўляная крышка праламалася пад цяжарам жывёлы.
Работнікі МНС пры дапамозе пажарных рукавоў і аўталесвіцы дасталі каня з ямы, жывёла не пацярпела. Яго гаспадар устанаўліваецца работнікамі міліцыі.