З'явіўся каляндар на 2023 год з малюнкамі Паўла Севярынца ФОТЫ
Каляндар называецца «Беларусь — гэта святое». У ім змешчаныя цытаты на кожны месяц і малюнкі вядомых беларускіх храмаў.
«Малюнкі і словы Паўла мы некалькі гадоў збіралі з лістоў, якія ён піша і дасылае Францішку», — напісала ў фэйсбуку жонка палітыка Вольга Севярынец.
Падрабязна разгледзець старонкі календара і замовіць яго можна тут. Кошт — 8 рублёў.
У маі 2021 года Паўла Севярынца прыгаварылі да 7 гадоў калоніі ўзмоцненнага рэжыму па артыкуле аб масавых беспарадках. Ён знаходзіцца ў зняволенні з 7 чэрвеня 2020 года.