Стала вядомая імаверная прычына смерці Макея
Сёння стала вядома, што памёр міністр замежных спраў Уладзімір Макей. Яму было 64 гады. «Нашай Ніве» сталі вядомы некаторыя абставіны.
Уладзімір Макей быў дома ў Драздах, калі здарыўся інфаркт. Наколькі вядома, ён не звярнуўся своечасова да медыкаў, бо не ўспрыняў свой стан усур’ёз.
Заўтра міністр замежных спраў збіраўся ў тэатр — на пастаноўку сваёй жонкі, актрысы Веры Паляковай-Макей, якую пасля пагромаў у тэатральным асяродку ў 2020—2021-м паставілі на чале Тэатра юнага гледача.