Авіякампанія Emirates павіншавала з Калядамі арыгінальным ВІДЭА
Найбуйнейшая авіякампанія з Блізкага Усходу Emirates, якая базіруецца ў Аб'яднаных Арабскіх Эміратах, да сёлетніх Калядаў выпусціла арыгінальны ролік, які імгненна зрабіў фурор у інстаграме.
Аб'яднаныя Арабскія Эміраты — федэрацыя сямі эміратаў з абсалютным манархічным праўленнем, дзяржаўная рэлігія там іслам. Тым не менш, як выглядае, мясцовы, цесна звязаны з дзяржавай бізнэс не цураецца віншаванняў пасажыраў з хрысціянскім святам.