Вярхоўны Суд пакінуў без зменаў прысуд палітвязню з псіхічным захворваннем — 6 гадоў калоніі
У верасні Андрэя Сачэўку асудзілі да 6 гадоў пазбаўлення волі ў калоніі ўзмоцненага рэжыму, прызнаўшы яго вінаватым паводле ч. 1 арт. 130 і ч. 1 арт. 293 Крымінальнага кодэкса.
Абвінавачанне па абодвух артыкулах было выстаўлена за каментары ў адным з гродзенскіх тэлеграм-каналаў. Вядома, што напісаў іх Андрэй у ноч з 11 на 12 жніўня 2020 года, калі ішлі жорсткія разгоны пратэстоўцаў.
28 снежня Вярхоўны Суд у асобе суддзі Ігара Любавіцкага, які выносіў прысуд былому прэтэндэнту на прэзідэнцкіх выбарах Рэспублікі Беларусь у 2020 годзе Віктару Бабарыку, пакінуў прысуд Сачэўку без зменаў, паведамляюць праваабаронцы.
Вядома, што палітвязень мае разлад асобы.