Андрэй Хадановіч запрашае на творчую вечарыну ў Вільні
Пра гэта сам паэт і перакладчык напісаў у сваім фэйсбуку.
«Дарагія віленчукі, запрашаю на сваю вечарыну ў нядзелю. 18:00, музей Луцкевіча.
Будзе прыкладна так:
— Кароткая справаздача пра першыя 50 год жыцця, палова з якіх прайшла бестурботна, а другая ў беларускай літаратуры.
— Чытанне вершаў, добрых і розных, добрыя з якіх — пераклаў, а розныя — напісаў сам.
— Спяванне песень, частка з якіх — класіка, другая — хуліганства, а трэцяя — класіка хуліганства.
— Вашыя пытанні, адказаў на якія аўтар не ведае, але спадзяецца прыдумаць разам з вамі».