Чэхія паніжае дыпламатычную прысутнасць у Беларусі
Амбасадар Чэхіі ў Беларусі Томаш Пярніцкі пакідае пасаду і вяртаецца ў Прагу.
Ён можа атрымаць прызначэнне ў канцылярыі новаабранага прэзідэнта Пэтра Павэла.
Выданне Lidovky.cz піша, што замест амбасадара Чэхія прызначыць у Беларусь часовага паверанага ў справах.
Гэта значыць, паводле выдання, што «рэжым Лукашэнкі, які падтрымлівае расійскае ўварванне ва Украіну, больш не будзе мець паўнавартаснага амбасадара Чэхіі. Прага такім чынам фактычна пагоршыць дыпламатычныя адносіны з Мінскам».