У Слуцку таксі збіла пенсіянерку. Тая загінула на месцы
У Слуцку 18 лютага кіроўца таксі збіў пенсіянерку каля вакзала. Жанчыне было 83 гады.
Фота: УДАІ УУС Мінскага аблвыканкама
Паводле папярэдняй інфармацыі ДАІ Мінскай вобласці, 66-гадовы кіроўца фольксваген «Гольф» рухаўся па прылеглай да аўтавакзала тэрыторыі на вуліцы Леніна, адцягнуў увагу ад кіравання аўтамабілем і праз гэта наехаў на пенсіянерку.
Жанчына памерла на месцы. Па факце ДТЗ распачатая крымінальная справа.
Фота: УДАІ УУС Мінскага аблвыканкама